Som coach lærer eg deg korleis bli bevisst, ta i bruk dine evner og talent – til å bli trygg på deg sjøl og takle kvardagsutfordringar. Eg oppfordrar deg til å gå for draumane og måla dine, som igjen opnar opp for nye moglegheiter i livet ditt.

Min bakgrunn

Eg brenn for å gjere andre gode og å vere ein ressurs for andre. Tidlegare møtte eg menneske i både glede og sorg ved å vere blomsterdekoratør - i bryllaup, og når nokon hadde mista sine kjære. Eg utvikla etterkvart ei interesse for mennesket sine indre prosessar og reaksjonsmønster, samt eit ønske om å spele ei positiv rolle i liva til andre. Då eg fekk lære om NLP falt brikkane på plass og eg hadde funne ein måte å bidra til andre si utvikling på. Som NLP-coach får eg vere ein positiv lagspelar for menneske som vil noko, som er klare for ei forandring. Å ta del i denne prosessen, heie på og motivere, og sjå at delmål for delmål blir nådd, det er den store motivasjonen for meg!

.

Coaching

Coaching er ein samtalebasert forandringsprosess, der du sjølv tek ansvar for di eiga utvikling og dine moglegheiter. Mi rolle er å leie prosessen, inspirere og hjelpe deg til å oppdage og ta i bruk dine eigne ressursar og heile ditt potensiale, slik at du kjem dit du ønskjer. Vi startar alltid med ein kartleggingssamtale der vi saman finn ut kva område/utfordringar du ønskjer å gripe fatt i. Kanskje har du dette klart for deg heilt frå starten av, og kanskje dukkar det opp nye ting undervegs.

NLP

Med NLP har vi mange verktøy for å betre kommunikasjon, motivasjon, og til å skape endringar i fastlåste tankemønster og handlingar. Med desse verktøya kan du motivere deg sjølv, endre unyttige overtydingar og handlingsmønster, oppleve å stå stødigare i vala dine og oppnå betre strategiar for å nå måla dine. NLP gir deg innsikt og forståing for mekanismane som ligg til grunn for vala du gjer.

DNCF-sertifisert Coach

Eg er utdanna Life- & Business Coach og helsecoach, er sertifisert NLP Master Practitioner og er medlem av Den Norske Coachingforening, DNCF. DNCF definerar standarden for coachar i Norge. Dei kvalitetssikrar coachingutdanning og coachingtenester med utgangspunkt i norske forhold, erfaringar og behov. Du kan lese meir om DNCF på deira eigne sider i linken nedanfor.